Muller-a'n training a zawm tawh

Bayern Munich forward Thomas Muller chuan team training a zawm leh thei tawh a, zanin dar 8:00 a Cologne nen Bundesliga match an khelh hunah erawh a inlan theih a beiseiawm loh.

German international hlui hian Covid-19 a kai tih hmuhchhuah a ni a, hei vang hian ni 14 chhung a inkhung hrang. Natna langchhuak nei lo mah se midang nen an inkalpawh thei lo a, tunah erawh hri lakah a fihlim tawh. March 6-a Borussia Dortmund nen an inkhelh hunah erawh inlan thei tawh tura ngaih a ni.

Joachim Low-a'n ram tana khel tura a koh duh tawh loh, kum 31 mi Muller hian a thiam a la theihnghilh lo. Season kal laiah league match 20 a khelh aṭangin goal 10 a khung a, season hmasa khan Bayern-in hlawhtlinna an chan theih nan a thawh hlawk hle. Muller awm loh chhungin Jamal Musiala-a'n hming a chher a, Bayern rawlthar hian England aia Germany tana inkheh a thlan avangin Cologne nen a inkhelh hunah pawh a inlan a nih chuan en bik a hlawh ang.

Bayern Munich    08:00 PM    Cologne

Borussia Dortmund    08:00 PM    Arminia Bielefeld

Wolfsburg    08:00 PM    Hertha BSC

Stuttgart    08:00 PM    Schalke 04

RB Leipzig    11:00 PM    Borussia M'gladbach

Union Berlin    06:00 PM    Hoffenheim

Mainz 05    08:00 PM    Augsburg

Bayer Leverkusen    10:30 PM    Freiburg