MFA Futsal League Electric Veng dinhmun hriat zan

RFL Plastics Futsal League MFA Futsal League-ah zanin hian group B team-te an inlan dawn. Inelna hi Electric Veng Indoor Stadium-ah khelh a ni a, inelna neihna hmun club Electric Veng FC chuan zanin dar 7:30 hian group hmahruaitu Tuikual North club IDBI Capital FC an hmachhawn ang a, an hneh loh chuan quarterfinal beiseina a tawp ang.

Tun dinhmunah season liam ta finalist Chhinga Vengin palina dinhmun hauh pha lo mah se point la hmu lo FC Leitan an hmachhawn dawn avangin dinhmun siamṭhatna hun ṭha an nei a, Ramthar club Whetstone FC pawhin Durtlang FC an hneh chuan quarterfinal a hnai sawt ang.

Match pawimawh ber tura ngaih erawh zan dar 8:45-a Zonuam FC leh FC Bungkawn te inkhel a ni a, team pahnih hian point 10 ve ve an hmu tawh a, pahnihna leh pathumna dinhmun hauh mah se tla thei ve ve an la ni.