Mizo pachak thlang dawn

Mizoram Powerlifting Association (MPA) leh ZONET Cable TV Pvt. Ltd. ṭangkawp chuan March thla hian Mizo Pachak ber a thlang leh dawn a, kum riat hnua an thlan lehna hmasa ber tur a ni ang.

March 1 aṭangin preliminary round ṭan a ni dawn a, tel tum tan February 25 thleng Zonet Office, zarkawtah inziah luh theih a ni. Inelna ni Hawla Indoor Stadium kawt, Republic Vengthlang-ah neih tur niin, Zonet chuan live in a pe chhuak ṭhin dawn a ni.

MPA leh Zonet te hian kum 2011 khan Mizo Pachak ber a lo thlang chhuak tawh a, Mizo tlangvalte an chak a ni tih hmuh chhuahna turin - tehfung hrang hrang hmangin mi sawmhnih rual zet an inel a, kawng chanvea inelna tawp san an awm nawk bawk.

Inelna buatsaih a nih hmasak hian rit chawi, in nawr leh thil khauh leh rit pawh hmang tein inelna an nei a, tawrhchhel leh chhel loh hriat nan te, tha an pek rei theih leh theih loh hriat nan te inelna chi hrang hrang hautak fe fe an paltlang a. Lunglei tlangval P. Lalchamliana chu pakhatna a ni.