Ramhlun Venglai chak ve ta

Mahuma Memorial Cricket Tournament-ah Ramhlun Venglaiin hnehna an chang ve ta a, run 57-in Bawngkawn South an hneh. 

Suaka Cricket Ground-ah RVL an bat hmasa zawk a, over 45.2-ah run 123 siamin an out vek - F. Lalruatfela'n run 52 a siam. 

Bawngkawn South an ropui bik lo. An target um hi tam lo mah se run hnih bakin an khum thei lo a, wicket nga latu RVL bowler Lalrintluanga an ngam lo. 

Second innings-ah Ramhlun Venglai CC-in over 31.5-ah run 159 siamin wicket kua an hloh a, an duhtawk. Bawng­kawn South-in an ngam loh ngai Lalrintluanga bawk an ngam lo nawn a, ani hian wicket ruk rawn la lehin Bawngkawn S hian run 100 chiah siamin an out vek a, run 57-in an tlawm.