Federer-a'n training a zawm

Roger Federer chuan hun rei tak chhung tennis a khelh theih loh hnuah a inkhel thei leh dawn ta niin a lang. March 8 aṭanga khelh tur Qatar Open-ah inlan a tum, training a nei mek tawh.

Swiss star hi hliam leh harsatna hrang hrang vangin kum khat chuang a inkhel thei lo tawh. Zirtawp zan khan twitter lamah tennis court-a a awm lai a tarlang a, Doha pan tura inbuatsaihna a nih thu a sawi bawk.

Kum 39 mi Federer hian tennis a khelh hun chhungin nomawi 1-3 zet a chawi tawh, heng zinga 20 chu Grand Slam title a ni. A kum tam deuh tawh mah se a theihna a la sang tawk a, hliam nei loin a inkhel leh thei a nih chuan nomawi a chawi leh ngei a la rinawm.