Vawi nga chak zawn Bucks
Giannis Antetokounmpo awmna Milwaukee Bucks chu tun hnaiah an kaltluang hle, nimin zing NBA regular season inkhelah Los Angeles Clippers 105-100 in an hneh - a zawnin match nga zet Bucks hian hnehna an chang ta.
Bucks thiampuipa Antetokounmpo-a'n point 36 a nei a, quarter hmasa lamah hniam zawk mah se a tawp lamah huaisen takin an tho chhuak. Greek tlangval hian match li chhung chu a zawnin point 35 a nei tling ta chiah, an chakna hnar pawimawh a ni.
Inkhel dangah LeBron James chuan mellung pawimawh a phun. Los Angeles Lakers star hian point 19 neiin, basketball inelna sangah hian regular season bikah point 1,300 a nei tling ta - a team hi Golden State Warriors lakah 117-91 in hnehna a chanpui nghal bawk.
Hliam vanga Anthony Davis a chawlh laiin Lakers an che chhia, match ruk aṭangin vawi nga ngawt an tlawm. Mahse, tun hnaiah an harh thar leh ta, star player Davis la awm lo mah se an match hnuhnung pahnihah hnehna changin inrintawkna an nei leh tawh.
NBA Results
Milwaukee Bucks 105 - 100 Los Angeles Clippers
Los Angeles Lakers 117 - 99 Golden State Warriors
Phoenix Suns 118 - 99 Minnesota Timberwolve
Boston Celtics 111 - 110 Washington Wizards
Memphis Grizzlies 133 - 84 Houston Rockets
New York Knicks 109 - 90 Detroit Pistons
Miami Heat 109 - 99 Atlanta Hawks
Charlotte Hornets 127 - 126 Sacramento Kings