3rd Mizoram Online Open Chess Tourney Pakhatna Zochhuanawma
Mizoram Chess Association chuan February 19-20 chhung khan 3rd Mizoram Online Open Chess Tournament an nei a, Lungzarhtum tlangval Zochhuanawma chu pakhatna a ni. Lungzarhtum hi Lawngtlai district-a awm a ni a, Zochhuanawma hian full points 12 aṭangin point 10 a hmu a ni.
Online game hi mahni In lum aṭanga hmanraw hrang hrang – Computer/Laptop/Mobile phone hmanga khelh a nih vangin Chess engine/software hmanga inbumna (cheating) awm thei hrang hrang te uluk taka kar khat chhung enfiah a nih hnuah February 27, Inrinni zan khan result hi an puang. Online Tournament-ah hian Mizoram District hrang hrang aṭangin mi 182 an tel a ni.
A ti ṭha 10
Rank Hming Veng/Khua Pts
1st Zochhuanawma Lungzarhtum 10
2nd H. Lalrinthanga Lunglei 10
3rd Cosie Rorelkima Sihphir 9.5
4th Er. Robin Lalrinawma Zotlang, Aizawl 9.5
5th John Zonunthara Sailo Bawngkawn 9
6th Anthony F. Lalthasanga Siaha 9
7th Lalnunsanga Leitan 9
8th R, Sangvunga Leitan 8.5
9th C. Chhawntluanga Dinthar -I 8.5
10th C. Lalrinsanga Bethlehem Vengthlang 8.5