Kane-a'n training a zawm

Tottenham chuan an beisei aia hmain striker Harry Kane an chhawr thei dawn niin a lang. Inrinni zana Burnley nen Premier League an khelh hnunah a inlan thei tawh hial mai thei.

Kum 25 mi Kane hi Manchester United nen January 13-a an inkhelh ṭumin a inhliam a, a ke rek na vang hian March hla thleng chawl tura ngaih a ni. Mahse, Thawhlehni khan training a zawm tawh a, coach Mauricio Pochettino erawhin a player duhlai hi a la dim deuhin a rinawm.

England captain Kane awm loh hlanin Spurs hian league match pali an khelh tawhah hnehna an chang vek, Champions League last 16 first leg-ah pawh Borussia Dortmund 3-0 a an hneh tawh avangin quarterfinal lut turin an dinhmun a ṭha tawh hle.

Mahse, League Cup semifinal-ah Chelsea hneh loin an tla a, FA Cup fifth round-ah anmahni aia team nem zawk Crystal Palace hneh loin an tla bawk. League-ah erawh hmahruaitu Manchester City leh Liverpool te an phak lohna chu point nga chauh a ni.