Hnehna nen Del Potro a rawn kir

Juan Martin del Potro chuan tun season chhunga a match hmasa ber chu nimin khan a khel ve chauh a, Argentine tlangval hian Yoshihito Nishioka 6-3, 7-5 a hnehin Beach Open-ah last 16 a in vaw kai.

US Open champion hlui Del Potro hian hliam vangin Australian Open a khel lo, Grand Slam hmasa ber khel thei lo mah se tunah chuan inkhel turin a inpeih leh tawk tawh tih chu thiltih hmangin a rawn lantir a ni.

Beach Open inkhel dangah Dan Evans pawhin champion lai Frances Tiafoe chu 3-6, 7-6 (7-1), 7-5 in a hneh ve bawk. Seeded pahnihna John Isner pawhin Canadian tlangval Peter Polansky 6-3, 7-6 (7-4) in a hneh.

Tennis inelna dang Rio Open lamah beisei loh result kan hmu, seeded pakhatna leh 2017 champion ni bawk Dominic Thiem chu Laslo Djere lakah 6-3, 6-3 in a chak lo. Seeded pahnihna Fabio Fognini pawh wildcard hmanga inlan Felix Auger-Aliassime-a'n 6-2, 6-3 in a hneh bawk a ni.