Ferrari an chungnung

Formula 1 season bul ṭan hma inbuatsaihna chu ngawrh taka kalpui mek a ni a, pre season test an neih tawh chinah Ferrari an che ṭha rih hle. Sebastian Vettel chuan an tan kum duhawm a in herchhuah a beisei thu a sawi chhuak.

Thawhṭannni khan Barcelona-ah test hi neih ṭan niin, world champion vawi li ni tawh Vettel a tlan chak ber a, a ni hnihnaah a teammate thar Charles Leclerc a che-

ṭha leh ber bawk.

Italian team hian sea­son hmasa khan in­tlan­siak vawi 21 awm zinga parukah hneh­na an chang, team cham­pionship-ah pahnih­na niin an chungah hian Mercedes an awm.

Ferrari driver Vettel chuan, "Kan car chu duh­­thusam a ni, kawng engkimah a nih dan tur dik tak vek a niin ka hria. Season hmasa ang khan a pawimawh hunah tihsual ka neih tawh loh hram ka beisei," tiin a sawi.