A sang 50 zingah Wawrinka

Grand Slam vawi thum champion tawh Stan Wawrinka chu nikum French Open khelh hnua a vawi khat nan ATP ran­king-a a sang zual 50 zingah a inhlangkai ve leh ta, Switzerland tlangval hian point 1,040 hmuin 41-na dinhmun a luah.

Kum 33 mi Wawrinka hi hliam vangin season hmasa khan a inkhel mumal thei lo a, tun haniah rawn khel ṭha chho leh tawhin nomawi la chawi chiah lo mah se kar hmasa khan Rotterdam Open-ah final a in vaw kai ve leh tawh a ni.

Wimbledon, US Open leh Australian Open no­mawi kawl mektu Novak Djo­kovic chu a chung ber­­ah fal takin a awm zel a, Serbian tlangval hnuaiah hian Rafael Nadal leh Ale­xander Zverev te awmin - Grand Slam vawi 20 cham­pion tawh Roger Fe­de­rer chu pasarihna a ni mek.