City-in Chinese club-ah neitu nihna nei
Manchester City chuan Chinese third division club Sichuan Jiuniu FC-ah neitu nihna an lei a, he club-ah hian UBTECH leh China Sports Capital te nen share an nei ho dawn a, City Football Group hnuaia club pasarihna an ni!
City Football Group hian Manchester City chu an club neih langsar ber an ni a, US lama New York FC leh Australian league club Melbourne City FC-ah share nei ngah ber an ni bawk.
Club dang, City Football Group-in share a neihna zingah Japanese club Yokohama F Marinos, Uruguay club Club Atletico Torque leh La Liga club Girona FC te an tel.
China League Two club Sichuan Jiuniu FC hi mi 27,000 lenna Chengdu Longquanyi Football Stadium-ah an inkhel ṭhin a, City Football Group chief executive Ferran Soriano chuan, "China football hma hun hi a eng hle a, chuta rinna nghat chung chuan he club-ah hian share kan lei a ni," tiin a sawi.