Serie C aṭangin Pro Piacenza an paih!

Italian third division club Pro Piacenza chu Pathianni khan league-ah player pasarih chiah nei­­chunga an inlan avang­in league aṭang hian paihchhuah an ni a, Pathianni khan Cuneo lakah 20-0 ngawtin an tlawm a ni. 

Serie C club Pro Piacenza hi sum lamah an talbuai avangin an player-te hlawh pawh an pe thei lo a, season ṭantir khan point riat paih sak lo ni tawh bawkin Cuneo lakah hian player 11 an nei daih lo. 

Thuneitute chuan inkhel hi an zirchian hnu­ah Italy third division club Pro Piacenza player ṭhen­khat chu registration pawh ti lo an ni tih an hmu chhuak a, bench aṭanga luhtir an player pakhat chu team physiotherapist a ni!

Pro Piacenza hi league aṭanga paih chhuah an nih bakah an khingpui Cuneo hi 3-0 a chakah an puang a, £17,500 (Nuai 16.15) chawi turin an ti bawk.