Baggies beiseina a nung ve zel

Season hmasa Premier League aṭanga Championship lama tla thla West Brom-in English top flight football khelh leh thuai an beiseina chu an chhem nung ve zel a, Thawhlehni zan khan Queens Park Rangers chu 3-2 a hnehin palinaah an invawrh chho. 

Baggies tan hian Jefferson Mon­tero chuan thla hmasaa Swansea City aṭanga loan hmanga Baggies a zawm hnua inkhel bul a ṭan hmasak berah goal a khung nghal a, he goal hi minute nga leka lut a ni. 

QPR tan Luke Freeman chuan si phurh sut mah se Jacob Murphy-a'n Baggies hi hma a hruai nawn pui a, Tomer Hemed penalty hmangin QPR hian an sut leh!

Hun pek belha Jake Livermore goal khung erawh minute 94-naa lut a ni tawh a, QPR hian a chhanletna tur nei tawh loin 3-2 in an tlawm. 

Baggies hian hnehna an chan avangin palinaah an invawrh chho a, a chung bera awm Norwich City an phak lohna chu khelh zat inangah point thum chauh a ni.