Vawi thum champion Tsonga a tla

Jo-Wilfried Tsonga-a'n season duhawm a hman mekna chu a tawp rih. Vawi thum a champion tawhna Marseille Open-a a match hmasa berah Andrey Rublev chu 2-6, 6-4, 6-2 a hneh loin a tla nghal.

French tlangval hian kar hmasa mai khan Open Sud de France-ah nomawi a chawi a, a boruak a ṭhat lai a nih avangin a vawi li nan Marseille-ah pawh a hlawhtlin a rinawm hle. Mahse, set hmasa a lak hnuah a hnuhnung pahnihah a thamral.

Kum 33 mi Tsonga chauh hi khaw­­­tual mi tla nghal a ni lo, Jeremy Chardy pawh Matteo Ber­rettini lakah 7-6 (14-12), 7-6 (7-0) in a chak lo ve bawk. Hetih lai hian Benoit Paire-a'n straight set hmangin Simone Bolelli a hneh bakah seeded pangana Fer­nando Verdasco leh Peter Gojowczyk te an tlang.