Wilder leh Fury hmachhawn theih inring Anthony Joshua

Anthony Joshua chuan heavyweight boxer langsar Deontay Wilder leh Tyson Fury te nen television company hrang ṭheuh thawh­pui mah se an in­hma­chhawnna tur a dal loh thu a sawi. 

Joshua chuan, "Broad­caster-te hi kan duh­thusam ram a thlen dik theihna tura kan thawhpui te chauh zawk an ni. Wilder emaw Fury hi ka hmachhawn duh a nih chuan broadcaster-te hmalakna tur a ni dawn a, kan vai hlawk tlanna tur a ni," a ti. 

Wilder hi Showtime nen US-ah chuan an thawk­dun a, Fury hian ESPN chu inremna thar a ziahpui thung a, Joshua hi DAZN streaming service nen an thawkdun thung. 

Joshua chuan, "Tun hmain HBO, Showtime leh Sky-te nen fight ka hmachhawn theih nan kan lo thawkho tawh a, anni pahnih hi ka hma­chhawn duh a nih chuan broadcaster lam hian buai­­na an siam lo ang," a ti. 

IBF, WBA leh WBO title kawl mektu Joshua hian June 1 khian Jarrell Miller chu a kawnghren humhim turin a hma­chhawn ang.