A thiam inhnek hun a thleng

Yodha 4x4 Pickup LPS Pro Fight khelh mekah boxer ṭha an inthlifim chho zel a, zanin aṭangin last 16 khelh a ni dawn. Tualchhung boxer bakah state pawn aṭanga sawm luhte an inlan ṭan dawn avangin inelna a hmuhnawm zual tura ngaih a ni.

R. Dengṭhuama Indoor Stadium, Mualpuiah zan dar 8:00 aṭangin inhnek a awm ṭan dawn a, zanin bikah chuan Arunachal Pradesh aṭanga boxer inlan pathum an inlan phawt dawn.

Inlan tur zingah hian 2015 World Junior Championship khel tawh W Alexander Meitei chu bantamweight-ah a inlan dawn - ani hi Manipur champion vawi hnih a nih tawh bakah 2012 khan All India Inter SAI-ah gold medal a hnek chhuak tawh bawk.

Round of 16 aṭang hian a hmuna en tur tan ticket Rs 30-a lei a ngai dawn a. Title Fight thlengin R. Dengṭhuama Indoor Stadium-ah vek khelh tur a ni ang.