Khelmual parukah African Nations

African Nations Cup thleng tur Egyptian Football Association (EFA) chuan nimin khan inelna an thlen huna match khelhna tur an ti chiang a, khelmual paruk an hmang dawn.

Egypt rama khelmual hmingthang tak tak - Port Said Stadium, Cairo Stadium, Borg el Arab Stadium, Ismailia Stadium, June 30 Stadium leh Uez Stadium te an ni. Kum 2012 khan Port Said Stadium-ah hian buaina a lo chhuak tawh a, mi 72 ngawtin nunna an chan tawhna hmun a ni. 

Kumin hian a vawi khat nan African Cup of Nations hi nipui laiin khelh a ni dawn, ṭum dangah chuan January thlaa khelh ṭhin a ni. Ram 16 inlan ṭhin chu 24-ah tih pun a ni bawk.