RFL Plastics MFA Futsal League Quarterfinal khel tur hriat kim zan

RFL Plastics MFA Futsal League-ah zanin hian group match hnuhnung ber khelh a ni dawn a, quarterfinal khel tur a hriat kim dawn avangin Electric Veng Indoor Stadium-a inkhel a hmuhnawm ang.

Group B-ah Tuikual North club IDBI Capital FC leh FC Bungkawn ten knockout stage an lut tawh a; Ramthar club Whetstone FC, Chhinga Veng FC leh Zonuam FC ten hmunruak pahnih an inchuh dawn.

Zonuam hi panganaah awm mek mah se tla tawh Durtlang an hneh chuan knockout stage an lut ang a, match hnuhnung berah Chhinga Veng leh Whetstone FC ten hmunruak pakhat an inchuh ang. Zonuam an chak a, Chhinga Veng leh Whetstone te an inhnehtawk a nih chuan team pathum hian point 13 vek an hmu dawn a, goal difference hmangin Ramthar club hi an tla ang.