WBC-in Wilder leh Fury inhmachhawn duh

WBC president Mauricio Sulaiman chuan Tyson Fury leh Deontay Wilder chuan rematch neih leh ngei an ba niin a sawi a, chu chu fan-te laka an bat a nih thu a sawi. 

Boxer pahnih hian rematch nei tur hian inremna an la nei rih lo a, mahse Sulaiman chuan fighter pahnih chu an inhmachhawn ngei a rin thu sawiin, "Boxer pahnih hian inhmachhawn leh ngei an duh tih hi thudik a ni," a ti.

Wilder leh Fury hi December 2018 khan an lo inhmachhawn tawh a, WBC chuan inhmachhawn nawn leh ngei tura tiin fighter pahnih hian inremna an neih ṭep tawh thu an lo sawi tawh. 

Mahse, WBC world champion Wilder leh Fury bakah hian Anthony Joshua-te chuan US television channel hran ṭheuhah contract an nei a, hei vang hian inhnek hi thlentir harsa sawt tura ngaih a ni. 

Sulaiman chuan, "Boxer pahnih hian inhnek nawn leh ngei hi fans laka an bat a ni a, fan-te ngaihtuah reng chunga thutlukna an siam a ṭul a ni. Kar hmasa lawk khan boxer pahnih hian inremna an neih ṭep tawh thu an sawi a, ka be thuai ang," tiin a sawi.