Inkhelh hlanin Mane in an rawk

Liverpool forward Sadio Mane chu Champions League-a Bayern Munich a hmachhawn lai khan a in rawk a ni a, sana, mobile phone leh car chahbi te an ruk sak. 

Anfield-a Mane a inkhelh lai khan Liverpool khawpui chhim lama a in hi rawk a ni a, a in rawk sak a nih lai hian in nghaktu an awm lo. 

Senegal international Mane hi November 2017 khan rawk a lo ni tawh bawk a, hemi ṭum pawh hian Champions League-a Maribor nena Anfield-a an inkhelh lai tho a ni. 

Mane in rawktu hi mimal ni loin a huhoa misual che an ni a, a bul hnai lawka awm nu pakhatin Police a biak tur thu sawia a au hnuah an tlanchhia a ni - Mane hi Reds tana a khelhpui Dejan Lovren nen an inṭhenawm.