National Sub-junior Badminton Mizo naupang an che ṭha

National Sub-junior Badminton Ranking Tournament 2019-ah Mizo naupangte an che ṭha hle. Imphal khawpuia neih mek inelnaah hian Under-15 bikah India ram hmun hrang hrang aṭangin entry 860 a lut a, Under 17 ah entry 1122 awm bawkin a vaiin entry hi 2012 a lut. 

Hetichung hian Mizo naupang engemaw zatin main draw an lut phak tho. Main draw khel thei tur hian qualifying lamah chak vek a ngaih avangin a awlsam lo. Under 17 main draw khel phak tura Laldintluanga Tlau zinkawng a hautak a, qualifying-ah mi pali ngawt hnehin round of 64 a lut. 

Laldintluanga Tlau hi U17 Boys' doubles-ah pawh inlanin Lalramdinthara Pachuau nen an inkawp a, qualifying-ah vawi hnih chakin round of 32 an in vaw kai. Mixed doubles lamah Mano Malsawmdawngliana leh Lalrempuii te chuan round of 16 an lut thei bawk. 

Main draw-a lut Mizo player-te:

Under 17 Boys' Singles 

Laldintluanga Tlau 

Under 17 Boys' Doubles

Lalramdinthara Pachuau & Laldintluanga Tlau

Under 15 Mixed Doubles

Mano Malsawmdawngliana & Lalrempuii 

Marcus Lalthanzuala & 

T Ramngaihzuali 

Lalawmpuia & Rebek Lalremruati 

C. Lalrohlua &  Abigail Lalthazuali