Japan Open champion Momota

Nimin khan badminton inelna ngaihhlut pakhat Japan Open chu khelh zawh a ni a, mipa singles champion lai Kento Momota chuan a title a humhim a, hmeichhe inelna lamah pawh tualchhung nula tho Akane Yamaguchi a champion ve bawk.

Musashino Forest Sports Plaza-a final khelhahworld champion leh number 1 ni lai bawk Momota chuan Indonesian tlangval Jonatan Christie lakah harsa takin game khatna a la, game hnihnaah erawh harsatna tawk loin 21-16, 21-13 in hnehna a chang.

Kum 24 mi Momota chuan, "Kar hmasa khan Indonesian Open-ah second round paltlang zo loin ka tla a, kan rama inkhelh turah pawh hlauhthawnna a awm ve deuh. Mahse, mipui thlawpna ka hmu ṭha a, inrintawkna sang tak nen hlawhtlinna ka chang thei ta a ni," a ti.

Momota hian nikum September thla khan Bad­minton World Federation hnuaia ranking-ah a chung ber dinhmun a luah a, heta ṭang hian hnunglam hawi tawh loin number 1 nihna hi a luah chhunzawm zel a ni. Hmeichhe singles final-ah world number 2 Yamaguchi chuan a hnuai chiaha ranking nei Nozomi Okuhara chu 21-13, 21-15 in a hneh ve bawk a, an ramah khawtual player pahnihin inelna ngaihhlut pahnihah hlawhtlinna an chang.

Kum 1982 khan Japan rama World Tour Super 750 tour­nament-ah hian khawtual player pahnihin hlawhtlinna an lo chang tawh a, a hnu lamah chuan kumin hi an chet ṭhat leh ber ṭum a ni.