Holloway kawng dal tur an awm lo

Nimin zing khan UFC 240 neih a ni a, mipui nghahhlelh ber fight-ah featherweight champion Max Holloway chuan a kawnghren humhimin Frankie Edgar chu a hneh. 

Kum 27 mi fighter Holloway hi judge pathumin chak zawkah an puang vek a, 50-45 50-45 48-47 (unanimous decision)-a hnehna changin hmalam a pan zel. Edmonton, Canada-a neih fight hmuhnawmah hian lightweight cham­pion hlui Frankie Edgar-a'n bul ṭan ṭha viau mah se Hollo­way-a in­­siam­ṭha vat a, a kawng­hren a hum­him. 

American fighter hmuhnawm Holloway chuan, "Edgar hma­chhawn tura te luaah mi tam takin min ngai a, mahse khawvel hmaah he hmun chhuahsan ka tum lohzia ka pholang ta zawk a ni. "Frankie hi pasalṭha dik tak a ni a, octagon chhung rap tura phurna min petu, mipa diktak chu i ni Frank," tiin a khingpui a fak zui. 

Edgar pawhin a hneh loh chu fakin, "Ka rin lawk ang vek a ni a, Max hi pa tawrhchhel leh mipa a ni. Khawvela fighter ṭha ber a ni a, mahse hei hi ka tawpna tur a ni lo," a ti. Hetihlai hian hmeichhe lama UFC featherweight champion hlui Cristiane "Cyborg" Justino chuan unanimous decision hmangin hneh loh nei lo Felicia Spencer chu a tlawm hmasak ber a tem tir. 

Justino hi UFC-a a contract neihlai a zo tawh dawn a, a hma hun tur a la chiang lo.