Japan-ah Vermaelen a kal

Arsenal defender hlui Thomas Vermaelen chuan free transfer hmangin Japanese club Vissel Kobe a zawm a, a contract rei zawng tarlan a ni lo.

Kum 33 mi Vermaelen hian 2014 khan Gunners aṭangin Barcelona a zawm, Catalan club-ah hian player ṭha an tam bakah hliam a neih fo avangin player rinrawl a ni phak lo. La Liga nomawi vawi li chawi zingah tel mah se match 53 chiah a khel.

Japanese club Vissel hian Barca player hlui David Villa leh Andres Iniesta te bakah German tana World Cup chawi tawh Lukas Podolski an kawl sa tawh bawk a, Belgium international an neih belh leh tak avangin tawnhriat nei an ngah ta hle.