PSG boruak harsat chang a awm - Draxler

Julian Draxler chuan Paris St-Germain chungchang a sawi a, French champion club chhung boruak chu hriatthiam a harsat chang a awm thu a sawi chhuak.

Germany international Draxler hi Neymar bakah Kylian Mbappe leh Edinson Cavani te nen Ligue 1 club tan an khelho a, season hmasa khan legaue nomawi an chawi. Champions League-ah erawh Manchester United an 

ngam lo.

A khelhpuite chungchang sawiin Draxler chuan, "Player ṭha chunghchuang vek an ni, hetianga an awmkhawm thei hi a thleng khat hle ang. Ngaihdan leh tum dan hran nei an ni a, match tina goal khung duh vek an ni bawk.

"An thil tum leh ngaihdan zawng zawng hi a chang chuan team tan harsat phah chang a awm. Mahse, anni ang player ṭha bik bula khelhna hun kan nei thei hi a vanneih thlak, nitin mai hian hlawkna kan hmu," tiin a sawi.

Pre season an neih ṭanni hmasa berah Neymar a inlan lo a, a hnu lawkah PSG sporting director Leonardo chuan Brazilian forward hi an phalna zata lei duh an awm a nih chuan hralh an hnial loh thu a sawi hmiah. Barcelona forward hlui hi tun thleng chuan dawrtu an la awm loa ngaih a ni, tun dinhmunah chuan China lamah season thar inbuatsaihin a zin ve mek.