Chawnpui an chak hmasa

Nimin khan Mizoram Super League season 6 relegation playoff khelh a ni a, inkhel inhnehtawk leh hmuhnawm takah Chawnpui Basketball Club chuan Ramhlun Sporting Club chu 78-76 in an hneh.

Hawla Indoor Stadium, Republic Vengthlanga inkhela team pahnih an inbei tawk a, a tawpa an danglamna chu point hnih chauh a ni.

Ningani chawhnu dar 1:30 hian a hmun ngaiah game 2 khelh a ni dawn. Chawnpui tan inhamtang turin vawi khat chak a tawk tawh, RSC tan erawh thapui thawh a beih a ngai tawh thung ang.

Team pahnih hi MSL6 league round lama an intawn ṭum pawhin Chawnpui hian 72-69 in hnehna an chang a, inrintawkna an nei zel ang. Chutih rualin an inthlauhna a tam ngai lo - RSC tan vanneih chuan chak theih a ni.

Thawhṭan zan khan MSL qualifying khelh ṭan a ni bawk a, Mission Veng Hot Shot chuan Champhai team Kahrawtians lakah 109-79 in hnehna an chang. 

Nizan khan MSL6 semifinal game 1 khelh a ni a, result kan hre hman lo.