Swiss Open-ah Sindhu leh Saina

Tokyo Olympic qualifier zinga mi Swiss Open chu tunkar chhung hian khelh a ni dawn. India nula chhuanvawr pahnih PV Sindhu leh Saina Nehwal an inlan dawn a, an kaltluang a nih chuan semifinal-ah an inhmachhawn thei dawn.

Tun hnaiah Sindhu leh Saina te hian result an nei ṭha tawk lo. Chutih rualin Sindhu hi world champion ni lai a ni, amaherawhchu nikum khan world championship a awm theih loh vanga title hum tlang mai a ni thung.

Rio Olympic silver medalist hi Tokyo Olympic khel turin a tling tawh a, world number 1 hlui Saina erawhin a ranking siam ṭhat a la ngaih avangin chetṭhat a pawimawh zual dawn a ni.

Swiss Open hi India mipa tan pawh hun ṭha a ni tura beisei a ni. Sameer Verma (2018), H.S. Prannoy (2016) leh Kidambi Srikanth (2015) ten hlawhtlinna an lo chang tawh, inelna neih hnuhnung ber khan B. Sai Praneeth chu pahnihna a ni bawk.