Mizoram leh Meghalaya inhnehtawk

2nd Dr T. Ao North East International NEC Gold Cup Under 21 Football Championship-ah Mizoram chu nimin khan Meghalaya nen 3-3 in an inhnehtawk. Vawiin chawhma dar 1:30 hian Mizoram leh Nagaland te an inhmachhawn ang. 

Guwahati-a inkhelah hian Mizoramin goal an chhuah hma a, minute lina lekah Meghalaya-in corner aṭangin an khung. First half tawp hma hretin F. Lalnuntluanga siam chu Lalremruata'n goal-ah a chantir a, halftime-ah 1-1 a ni.

Second half ṭantirhah Meghalaya-in an khung lehnghal a, Tluanga hmangin Mizoram minute 50-naah an chhangltet. Minute 72-naah David Laltlansanga'n hmahruaina goal a khung ve a, 3-2 na chiah a ni. Amaherawhchu injury time-ah Meghalaya an vannei a, hun pek belh minute nganaah goal an khung avangin 3-3 in inkhel a tawp.