Robula Chess Trophy 2019

Robula Chess Trophy vawi 41-na chu nimin khan neih zawh a ni a, Dawrpui Multipurpose Centre, Aizawl-a inelnaah hian Mizoram hmun hrang hrang aṭangin chess khel thiam mi 103 zet an inel. 

February 19 aṭanga neih ṭan inelnaah hian  Aizawl district (70), Mamit district (15),  Lawngtlai district (5), Serchhip district (5), Champhai district (4 ) leh Lunglei district (2) aṭang tein chess thiam an fuankhawm a, player naupang ber chu kum nga mi niin a upa ber chu kum 70 mi a ni.

Round kuaa khelh he inelnaah hian Richard HT Laltlanchhuaha, Tuipang chuan hneh loh nei miah loa point riat hmuin point nei sang ber a ni a, sum fai Rs. 2,5000 leh champion trophy a dawng.