Hmabak a la tam - Ancelotti

Napoli coach Carlo Ancelotti chuan Europa League-ah FC Zurich hnehin last 16 lut mah se an tum ram an la thlen loh thu a sawi a, an tan Serie A thlahthlam theih a nih loh thu a sawi bawk.

Italian manager Ance­lotti chuan, "Kan tum hma­sa last 16 kan thlen avangin ka lawm, tuna kan hmabak chu kar tawpa league match khelh tur a ni. Europa League hi kan ngai pawimawh a, chutih rualin Serie A nomawi hi Juventus kuta hlan ngawt theih a ni bik lo," tiin a sawi.

Italian Serie A-ah Na­poli hi pahnihna an ni mek a, hmahruaitu leh champion lai ni bawk Juve an phak lohna chu point 13 ngawt a ni tawh. Pathianni zan dar 10:30 hian kai thar Parma an lenchilh ang.