Quarterfinal-ah Del Potro

Juan Martin del Potro chuan a khup hliam dam hnua a tournament hmasa berah a khel ṭha chhunzawm a, nimin khan American Reilly Opelka chu 6-4, 6-4 a hnehin ATP Delray Beach Open-ah quarterfinal a in vaw kai.

Seeded pakhatna Del Potro hian inkhel a thunun hneh hle a, kum 18 mi Reilly lakah hian vawi 18 ngawt aces vaw chhuakin a service a hloh miah lo. Vawiin hian Guillermo Garcia-Lopez 7-5, 6-4 a hnehtu Mac­kenzie McDonald nen an inhmachhawn leh ang.

World number 5 Del Potro hi nikum October thla khan Sanghai Mas­ters-ah inlanin a khup a hlim a, a hliam vang hian Australian Open pawh a khel thei lo. Tunah erawh a hliam dam tawhin karleha khelh tur Mexican Open-ah pawh inlan ngei a tum.