Atletico Madrid vangin Juve tlahniam

Champions League last 16 first leg-a 2-0 a Atletico Madrid-in an hneh hnuah Juventus hlutna a tlahniam nghal a, a tlakhniamna zat hi pound maktaduai 100 zet a tling. 

Wanda Metropolitano Sta­dium-a Juventus an tlawm hnu khan stock market lama an hlutna chu 11.11%-in a tlahniam nghal a, hei hi Forbes-in Juventus hlutna an tehna aṭanga chhut chuan pound maktaduai 100 zet a tling a ni.

Forbes-in an chhut dan aṭang chuan Juventus hlutna hi pound mak­taduai 1,127 zet a ni a, khelmual chhunga kan hmuh piah lamah Italian club-in an chak loh an tuar hle. 

Juventus 'mangchhia' thlentu Atletico Madrid hi Pathianni zanah an inlan leh dawn a, dar 8:45 hian Villarreal an mikhual ang.