Kovac-a'n tlarhnung ngai pawimawh
Bayern Munich manager Niko Kovac chuan a tlarhnung phui lo an rem phui ṭan niin a hria a, zanin dar 8:00-a Hertha Berlin nen Bundesliga match an khelh hunah pawh goal chhuah loh a duh thu a sawi chhuak.
German champion hian Liverpool nen Anfield-a Champions League an khelh ṭumin goal an chhuah lo a, Mohamed Salah, Roberto Firmino leh Sadio Mane te inkawp an dan theih avangin Kovac a lawm.
Bayern manager Kovac chuan, "European football chu a danglam ngei tih ka hria, mahse Bundesliga-ah pawh goal chhuah loin ṭha takin kan khel thei tih ka chiang. Liverpool nen kan inkhelh ṭuma kan chet ang tho khan Berlin lakah pawh kan khelh ngei ka beisei.
"A bik takin tlarhnung lamin ngelnghet taka an khelh chhunzawm ka duh a, match hnuhnung bera kan tih ang khan kan tih chhunzawm ka duh," a ti. Hritlang vangin Mats Hummels-a'n Ningani khan training a zawm thei lo a, Leon Goretzka erawh a hliam a dam tawh.