Arunachal champion lai a tlawm

Yodha 4x4 Pickup LPS Pro Fight neih mekah last 16 a nih tawh avangin inhnek a hmuhnawm vek tawh. Ningani zan khan lightweight huang-ah a zawna vawi thum Arunachal Pradesh champion lai Poken Siga chu C. Lalhruaitluanga lakah a tlawm.

R. Dengṭhuama Indoor Stadium, Mualpuia inhnekah ITI Veng tlangval Lalhruaitluanga hian unanimous decision (30-27, 30-27, 30-27) in hnehna a chang.

Hruaitluanga hian thahrui a neiin tlo takin a khel tluan a, championship kal meka state dang boxer hneh hmasa ber a ni. Arunachal aṭanga Pro Fight khel boxer pathum zingah pahnihin a hma lamin hnehna an chang tawh a, inrintawkna sang tak nen Siga-a pawh ring chhungah lut mah se amah aia ban sei leh fei zawk lakah a theihna a lantir zo lo.