Foxes leh Puel inṭhen

Leicester City chuan an manager Claude Puel an ban, Inrinni zan Premier League inkhelah Foxes hi Crystal Palace lakah 4-1 in an tlawm a, Puel kaihhruaina hnuaia an match hnuhnung ber a ni nghal.

Kum 57 mi Puel hian a club hi table-ah 12-na a nih pui a, an match hnuhnung paruk zinga vawi nga ngawt an tlawm! Kum 2017 October thlaa an lak ngheh chauh an ban leh tak avang hian Claudio Ranieri leh Craig Shakespeare te pawh ban tawhtu hian thla 23 chhungin manager nghet palina an neih a ngaih phah dawn a ni.

French manager Puel rual hian assistant manager Jacky Bonnevay pawh a chhuak nghal a, first team coach Mike Stowell leh Adam Sadler te chuan an senior team enkawl hna an thawk lailawk dawn a, a rang thei angin manager nghet an zawng zui nghal ang.