Group hmahruaitu Chhinga Veng

I League 2nd Division-ah Chhinga Veng chuan Inrinni khan Ṭhasiama leh Lalliansanga te goal hmangin Trau FC chu an mual Khuman Lampak Stadium-ah 2-0 in an hneh. Mizo club hi group C-ah hmahruaitu an ni mek a, group khat aṭangin team pahnihin final round an lut dawn.

Chhinga Veng hian February 29, Ningani hian RG Stadium, Mualpuiah ATK (Reserves) an hmachhawn ang.