Sri Lanka-in history siam

Sri Lanka cricket team chu Asia ram zinga South Africa rama test series la thei hmasa ber an ni. Port Elizabeth-ah Sri Lanka hian South Africa target tuk sak 197 chu wicket hnih chauh hlohin an umpha a, wicket riatin an chak.

South Africa mualah hian Sri Lanka hmain England leh Australia te chauhin test series hi an la thei a, 'The Lions' (Sri Lanka cricket team sawina) hian cricket format hrang hrangah tun ṭuma test match pahniha hnehna an chang hi October 2018 hnua hnehna an chan lehna hmasa ber a ni.

South Africa leh Sri Lanka ten March 3 hian ODI series match nga an khelh tura match hmasa ber chu Wanderers Cricket Stadium-ah an khel ang.

Test Match Vawi 2-naSouth Africa: 222 (De Kock 86, Markram 60, Fernando 3-62) & 128 (Du Plessis 50 not out, Lakmal 4-39)Sri Lanka: 154 (Dickwella 42, Rabada 4-38) & 197-2 (Mendis 84 not out, Fernando 75 not out) Sri Lanka hi wicket riatin an chak a, 2-0 in series an la.