MMA legend Georges St-Pierre a chawl

Division hniha UFC champion ni thei Georges St-Pierre chuan MMA khawvel a chawlhsan thu a puang a, kum 37  mi fighter hian middleweight leh welterweight-ah champion dinhmun a luah kawp thei a ni. 

Fight vawi 28 a hmachhawna vawi 26 chak thei St-Pierre chuan, "Combat sports-ah chuan a chung bera i awm laiin i chawl tur a ni a, chutiang tak chuan ka ti reng a ni," tiin a chawlh thu a puang. 

Kum 37 mi fighter ropui hian title inchuhna fight-ah vawi 13 hnehna changin title bout-a hnehna chang ngun ber a ni a, welterweight (2,204) leh middleweight (33) champion a nih rei zawng hi a ni ang zawnga chhut chuan ni 2,237 niin UFC fighter zingah ani aia champion ni rei zawk chu Anderson Silva (2,457) chiah a awm. 

Georges St-Pierre hian November 2017 khan kum hnih ngawt UFC a chawlhsan hnuah Michael Bisping hnehin middleweight champion a ni leh a, hei hi a fight neih hnuhnung ber a ni zui ta a ni.