Gerard Deulofeu tan season a tawp

Premier League club Watford winger Gerard Deulofeu chu tun season chhungin a hmel kan hmu tawh dawn lo, a khup ruh chuktuah na vangin hun rei tak chhung chu a chawlh a ngai dawn a ni.

Liverpool an hneh ṭumin Deulofeu hi minute 37-na lekah zawn chhuah a ngai a, a hliam hi zai a ni dawn. A chawlh chen tur tak la chiang lo mah se thla ruk vel tal chu chawl tura ngaih a ni ang. Barcelona leh Everton tana khel tawh Deulofeu hian 2018 khan Watford hi a zawm, inelna hrang hrangah match 70 khel tawhin goal 17 a khungsak tawh, a hliam hi a club tan channa lian tak a ni.Watford manager Nigel Pearson chuan, "A tan leh club tan a pawi hle, kan ngai dawn hle a ni. Dam leh thuai turin kan duhsak a, a mamawh leh ṭul ang chu kan theihtawpin kan tihsak ang," a ti.