Heat lakah Bucks an chak lo

NBA playoff khel tura tling tawh Milwaukee Bucks chu nimin zing khan Miami Heat lakah 105-89 in an tlawm, regular season kal laiah Heat chiah hi Bucks vawi hnih hneh thei awm chhun an ni.

Most Valuable Player ni lai Giannis Anteto-kounmpo-a'n season kal laia a point neih tlem ber ṭum a tawng, point 13 chiah a nei, rebounds vawi 15 a lak bawk avangin double double chu a nei tho.Mahse, Bucks player zingah khel ṭha langsar an awm lo. Miami Heat lamah erawh Jae Crowder leh Jimmy Butler ten point 18 ve ve an neih bakah Bam Adebayo-a'n point 14 neiin rebound vawi 12 a la bawk.

NBA Results

Utah Jazz    126 - 113    Cleveland Cavaliers

New York Knicks    125 - 123    Houston Rockets

Portland Trail Blazers    130 - 107    Orlando Magic

Memphis Grizzlies    127 - 88    Atlanta Hawks

Miami Heat    105 - 89    Milwaukee Bucks

Chicago Bulls    109 - 107    Dallas Mavericks

Indiana Pacers    116 - 111    San Antonio Spurs