AJ-a'n thawh leh a tiam

Boxing khawvel bara-khaiha rin loh taka Andy Ruiz Jr ngam lotu Anthony Joshua chuan a thawh leh ngei tur thu a sawi a, "Champion ka la ni reng a, ka belt-te neilet turin theihtawp ka chhuah ang," a ti. 

Joshua chuan sawi zawmin, "Tlawm hi lawm taka pawm chi ka ni lo. Hnehna chan hi thil hlu ber chu a ni a, mahse kan tlawm miau si chuan insiam ṭhat a, thawhleh hi kan tih tur chu a ni," a ti. Ruiz nen an inhnek hma hian Joshua hi  WBC world champion Deontay Wilder leh Tyson Fury te nen sawi zawm an ni fo a, tun atan erawh Ruiz chiahin a ngaihtuahna a luah. 

Kum 29 mi boxer chuan, "Wilder leh Fury te hmachhawn hi ka la duh reng a, mahse tun atan chuan Andy Ruiz nena rematch neih hi ka ngaihtuah ber chu a ni," a ti. Vawi 23 fight a hmachhawna a vawi khat nana tlawm Joshua hian IBF, WBA leh WBO world title a kawl chu Ruiz lakah hian a chan a, an inhnek hma hian contract-ah 'rematch clause' an ziak tel. 

Joshua promoter Eddie Hearn chuan November emaw December-ah rematch hi neih tur a nih thu a sawi a, mahse Joshua chu a tlawm a nih chuan a career tawpna tur a nih a rin thu a sawi bawk.