CAF Champions League-ah buaina

Video Assistant Referee (VAR) ṭha lo vangin African Champions League final-ah buaina a awm a, Wydad Casablanca player ten an khelh chhunzawm duh loh avangin Esperance chu champion-ah puan an ni. 

Inrinni zana final inkhelah hian Esperance-in 1-0 in hma an hruai mek a, final hi double leg-a khelh a nih avangin Tunisian club Esperance hian inkhel pahnih belhkhawmah 2-1 in hma an hruai. Wydad tan Walid El Karti chuan si phurh a rawn sut a, hei hi referee-in a pawm lo. Player ten VAR rawn an duh a, mahse khelmual chhunga chhawp a ni reng chung siin hman theih a ni lo - a chhe miau a!

VAR hi a tirah chhe sa mah se player-te hrilh hriat an ni lo a, Confederation of African Football (CAF) president Ahmad Ahmad chuan minute 30 ngawt inkhelh chhunzawm dan tur sawiin official-te a titipui. Mipui 60,000 pungkhawmin minute 95 zet an nghah hnuah Wydad-in an khelh chhunzawm duh loh avangin Esperance chu chak zawkah puan an ni a, Wydad hian kum hnih chhung Champions League khel thei lo tura hremna an hmabak thei thung.