Jose Antonio Reyes an vui liam

Arsenal winger hlui Jose Antonio Reyes chu nimin khan a chenna Utrera, Seville-ah vuina hun an hmang. 

Sevilla captain hlui hi car accident vangin Inrinni khan a thi. Pathianni khan a ruang hi Sevilla khelmual Ramon Sanchez-Pizjuan stadium-ah an la a, fans 11,000 chuang an pungkhawm.

Kum 35 mi Reyes-a ruang hi Pathianni zanah an khua Utrera-ah lak a ni a, a kuang hi town hall-ah dah niin a chhungkhat lainate leh ṭhianten an kil. Vuina hun hi town hall bul hnaia awm biak in 'Santa Maria de Mesa'-ah hman a ni a, Sevilla flag-in a kuang hi an tuam.

Reyes hi Sevilla, Arsenal, Real Madrid leh Atletico Madrid tan te a khel tlawh a, Europa League vawi nga champion tawh player hian Spanish second division club Extremadura tan tun season khan a khel a ni.