ICC hnenah South Africa an zualko

February thla tir khan Australia leh South Africa ten Test match vawi thum khel turin ruahmanna an siam a, Covid-19 vangin Aussies-in an ṭhulh. Cricket South Africa (CSA) chuan

Australia an zin duh loh avangin pawisa tam tham tak an hloh a, International Cricket Council (ICC) hnenah an zualko.

CSA chuan ICC hnenah zângnadawmna an phut bakah World Test Championship (WTC)-a Australia point paih turin an ngen. Aussies hi WTC point an paihsak a nih chuan final an khel thei dawn lo.

WTC final khel tur hian New Zealand an tling tawh a, India leh Australia te dinhmun a chiang lo. Men in Blue hian England nen fourth Test an inkhelh tura an tlawm loh chuan final an khel dawn a, chutihrualin an chak lo a nih pawhin CSA-in Aussies an hekna hi a hlawhtling a nih chuan Virat Kohli hoten final hi an khel tho ang.