Cardiff-in Rooney-a team an sawp

Thawhlehni zan Championship inkhelah Cardiff City chuan Wayne Rooney enkawl Derby County chu 4-0 in an sawp. Cardiff tan hian Leandro Bacuna-a'n goal hnih a khung bakah Kieffer Moore leh Will Vaulks ten goal khat ve ve an khung.

Cardiff hian match 34 an khelh tawh aṭangin point 53 an hmu a, paruknaah an awm avangin Premier League khel tur zawnna playoff khel turin beiseina an nei sang hle. Mick McCarthy hote hian Derby lakah hian 27% chiah ball possession nei mah se goal li ngawtin hnehna an chang a, Rooney tan inzir belh tur an siamsak.

Derby County erawh tun season-a an tum ber chu relegate loh a ni a, match 33 an khelh aṭangin point 38 hmuin 18-naah an awm mek. Cardiff nen an inkhelh ṭum hian Manchester United aṭanga loan hmanga an hawh Teden Mengi-a'n a vawi khat nan bul a ṭan a, kum 18 mi defender hian Rams ṭantute mit a tlung zo lo.