Hungary-ah Europa League final

Europe football thuneitu sang UEFA chuan nimin khan Europa League final khelhna tur a ti chiang a, club inelna sang pahnihna hmawr bawkna hi Budapest, Hungary-a awm Puskas Arena chuan a thleng ang.

Puskas Arena hi nikum November thla khan hawn a ni a, mipui 67,215 lenna a ni. Nipui laia neih tur European Championship pawh match li khelh tura ruahman a ni. UEFA hian Helsinki, Finland leh Kazan, Russia te chu Super Cup 2022 leh 2023 final khelhna tur a nih thu an puang tel. 2022 Women's Champions League final chu Juventus Stadium-ah khelh a ni ang.