DFB Pokal-ah Eintracht Frankfurt Vs Werder Bremen

German Cup-ah zanin dar 1:15 hian Eintracht Frankfurt leh Werder Bremen te Commerzbank-Arena-ah an inkhel dawn. Eintracht Frankfurt hi Europa League-ah an khelh hun sawn hlatsak an nih avangin DFB Pokal-a an inkhelh hun hi sawn hlat a ni a, German Cup quarterfinal match thum dang chu nizan khan khelh a ni.

Champion lai Bayern Munich chuan nizan khan Schalke an hmachhawn a, German club lar Borussia Dortmund erawh zanina inkhel tur Werder Bremen hneh loin an tla. Bremen hi table-ah 17-na chauhah awm mah se Dortmund pet tlatu an nih avangin dahhniam theih an ni lo a. Eintracht Frankfurt erawh Europa League last 16 thleng thei an ni a, Europe club ṭha zinga mi tia chhiar theih an ni ang. Eintracht hian DFB Cup-ah Bremen hi vawi thum (1978/98, 1988/89 & 1997/98) an hneh tawh a, Werder Bremen erawh 1990/91 chiah khan an la chak.