Nomawi 100-na beiseitu Federer

Tun kar chhunga khelh tur Dubai Championship-ah Roger Federer a inlan dawn a, Grand Slam nomawi ringawt pawh 20 nei tawh hian tennis a khelh hun chhunga a nomawi 100-na chawi a tum thu a sawi.

January thla khan Australian Open last 16-ah Federer hi Stefanos Tsitsipas hneh loin a tla a, Greek tlangval a hneh loh hnuah tun ṭum hi tournament a hmachhawn lehna hmasa ber tur a ni.

Kum 37 mi Federer chuan, "Nomawi 100 neih tlin hi ka rilruah chuan a awm ve reng, mahse ngaihtuah lungbur bera neih erawh a fuh lo ang. Inelna kan hmachhawn a nih chuan match khat te te a hnehna chan hi kan ngaihtuah zawk tur a ni," tiin a sawi.

Dubai Championship-ah hian Federer hi seeded pahnihna a ni a, Japanese tlangval Kei Nishikori chu seeded pakhatna a ni thung.