Delhi tan Daniel & Lianzuala

Indian Super League-ah Mizo tlangval Lallianzuala Chhangte leh Daniel Lalhlimpuia an vul a, Delhi Dynamos tan goal khat ve ve khungin Pune City chu 3-1 in an sawp. 

Limitless Player of the Match atana thlan zui Lianzuala hian minute 17-na lekah goal hmahruai a khung a, Daniel-a hian minute 52-naah a khung thung - Serchhip striker Daniel-a hian a match hnuhnung pahnihah goal thum a khungna a ni.

Delhi goal khat dang hi Romeo Fernandes khung a ni a, Pune City tana Nikhil Poojary goal khungin awmzia a nei lo. 

ISL-ah team 10-in match 17 ṭheuh an khel tawh a, match khat bak khelh tur a awm tawh lo - nizan leh zaninah ISL inkhel a awm lo a, Nilaini zan aṭangin khelh ṭan leh a ni ang. 

Bengaluru FC, FC Goa, Mumbai City leh NorthEast United chu tun season ISL-a top four nichiang tawhte an ni.